{"product_id":"pounamu-pounamu-te-reo-maori-edition-by-witi-ihimaera-9781761047961","title":"Pounamu Pounamu - Te reo Maori edition","description":"\u003cdiv class=\"book-description\"\u003e\n\u003cp\u003e\u003cem\u003eWiti Ihimaera's\u003c\/em\u003e first published book—\u003cem\u003ePounamu Pounamu\u003c\/em\u003e—translated into te reo Māori. Published in collaboration with Kotahi Rau Pukapuka.\u003c\/p\u003e\n\n\u003cp\u003eE rima tekau tau ki muri, ka puta mai a \u003cem\u003ePounamu Pounamu\u003c\/em\u003e hei kai ma te ao pānui reo Pākehā. Ko te whakataunga a ngā mana mātauranga o Aotearoa o taua wā, he pukapuka tēnei mā ngā tamariki i ngā kura o te motu whānui.\u003c\/p\u003e\n\n\u003cp\u003eKua huri te ao, kua hipa te wā, ko tēnei a \u003cem\u003ePounamu Pounamu\u003c\/em\u003e e horahia nei hei hākari mā te kaipānui reo Māori, ko ia rā pea te mokopuna a te kaipānui reo Pākehā o mua.\u003c\/p\u003e\n\n\u003cp\u003eKa pēhea te kawe i te wairua o tēnei kohinga kōrero e rangiwhāwhā nei te pānuitia, kia rangona tonutia ai te kounga o te kupu Pākehā? Me kawe tonu i te pukuhohe o \u003cem\u003eHe Kēmu Kari\u003c\/em\u003e, i te ngau mamae o \u003cem\u003eTangi\u003c\/em\u003e, i te hōhonu o te aroha o \u003cem\u003eTe Tamaiti\u003c\/em\u003e.\u003c\/p\u003e\n\n\u003cp\u003eKua whakautua taua karanga e ngā kaiwhakawhiti reo Māori tekau mā tahi i noho rā hei pia i Te Panekiretanga o te Reo me ngā Kura Reo. He mea hōmiromiro a rātou whakamāoritanga e te kahui hihira, e Makoha Gardiner rātou ko Pania Papa, ko Hēni Jacob, ko Stephanie Tibble. Kei roto nei ngā hua o tā ngā kahui nei whakaheke tōtā, e kitea ai, e rangona ai hoki te puāwaitanga o te reo Māori me ngā reo ā-iwi i roto i ngā tau.\u003c\/p\u003e\n\n\u003cp\u003eKei te tū rangatira tonu ngā kupu i rere mai ai i te pene a \u003cem\u003eWiti Ihimaera\u003c\/em\u003e, nānā te huarahi i para hei whai mā te kaituhi kaupapa Māori. Me mihi, ka tika.\u003c\/p\u003e\n\n\u003cp\u003eKo Kotahi Rau Pukapuka te waka. Ko te pae tawhiti, kia 100 ngā pukapuka reo Māori ka pae ki uta. Ko te whāinga, kia puāwai te aroha ki te reo mā te rau pukapuka. Tēnei mātou e pōhiri ana i a Penguin Random House hei hoa whakatere, hei hoa whakatutuki i ngā wawata o te hunga e ngākaunui ana ki te reo Māori.\u003c\/p\u003e\n\u003c\/div\u003e","brand":"Penguin Random House Distribution","offers":[{"title":"Default Title","offer_id":46550526886124,"sku":"9781761047961","price":27.0,"currency_code":"NZD","in_stock":true}],"thumbnail_url":"\/\/cdn.shopify.com\/s\/files\/1\/0705\/7784\/8556\/files\/27866553482814.jpg?v=1749985594","url":"https:\/\/bookhero.live\/products\/pounamu-pounamu-te-reo-maori-edition-by-witi-ihimaera-9781761047961","provider":"Book Hero","version":"1.0","type":"link"}